Illum beda uffiċjalment it-twaqqigħ tal-fabbriki li hemm fil-Marsa u li x-xogħol hu parti mill-proġett tal-Marsa.
Miż-żona tal-Marsa ta’ kuljum jgħaddu eluf ta’ karozzi u l-proġett se jkun fuq tliet fażijiet, bl-ewwel fażi tikkonsisti fix-xogħol li beda llum, it-twaqqigħ tal-fabbriki.
Il-Proġett se jinkludi il-bini ta’ strutturi ta’ flyovers, faċilitajiet ġodda għaċ-ċiklisti u għat-trasport pubbliku u żieda fl-ispazji għal parkeġġ qrib l-uffiċini tal-midja tal-Partit Laburista.
Ix-xogħol tal-proġett tal-Marsa beda waqt li l-proġett tal-Kappara għadu għaddej u jonqsu diversi ġimgħat biex ikun finalizzat kompletament.
