Rapport: James Aaron Ellul
GŻIRA U……………..3
NAXXAR L………….1
Gżira: A. Curmi, G. Muir, A. Macedo Neto, C. Gatt Baldacchino, S. Borg, M. Avila Perez, R. Briffa (N. Muscat 88’), A. Cohen (Z. Scerri 72’), J. Corbolan (S. Tounkara, 78’), N.E Okoye, A. Samb
Naxxar: C.Nicht, S. Fenwick, R.Grech (A. Buhagiar 61’), M. Micallef, D. Falzon (O.Borg 78’), R. Cassar (M.Fenech 61’), J. Debono, E. Ndoye, A. Cascaval, A. Mendy, Y. Messias
Imwissija: C. Nicht 19’, E. Ndoye 23’, M. Micallef 76’, A. Mendy 89’ (N), R. Briffa 62’, M. Avila Perez 67’ (G)
Tkeċċa: C. Nicht, 78’ (N)
Skorjaw: A. Samb 28’, 51 (G), Y. Messias 57’ (N), N.E. Okaye 85’ (G),
Referee: Eman Grech
Assistenti Referees: Duncan Sultana, Chris Francalanza
In-Nazzjon Plejer tal-logħba: Amadou Samb (Gżira United)
Attendenza: 227
Partita minn tim ta’ fuq fil-klassifika kontra wieħed li jinsab lejn taħt ma tonqosx milli tagħti spettaklu f’logħba li fiha rajna 4 gowls u karta ħamra. B’hekk Gżira reġgħu jinsabu momentarjament fl-ewwel post u jistennew il-konfront ta’ Valletta għada.
Gżira bdew fuq l-offensiva wara xutt fit-tieni minuta ta’ Andrew Cohen li għadda għoli. Ċans tad-deheb għall-Gżira tliet minuti wara, meta rebħu free-kick fil-kaxxa wara backpass lill-gowlkiper Nicht, iżda l-gowlkiper Naxxari salva l-ballun wara li t-tim kollu kien fil-lasta.
Naxxar irrispondew minuta wara bil-kontrattakk ta’ Messias li qassam lil Falzon bix-xutt tiegħu jgħaddi għoli.
Fit-28 minuta Gżira marru fil-vantaġġ wara pass mix-xellug ta’ Cohen lejn Amadou SAMB li faċilment bir-ras tefa’ l-ballun fix-xibka.
Naxxar damu biex wettqu reazzjoni fejn kien biss kwarta wara li xutt ta’ Messias fit-42 minuta, ħabbat ftit lill-gowlkiper Curmi ta’ Gżira li salva biex ħalla lit-tim tiegħu fil-vantaġġ. Żewġ minuti wara daqqa ta’ ras ta’ Ndoye għaddiet fuq il-lasta bl-iskor jibqa’ 1-0 sal-ħin tal-mistrieħ.
Naxxar ħarġu b’aktar grinta u fuq l-attakk fil-bidu tat-taqsima. Fis-47 minuta, xutt ta’ Messias għadda għoli wara li kien irċieva minn Ndoye, ċans li żgur mhux forsi seta’ ħoloq aktar periklu.
Madanakollu dan kollu kien għalxejn hekk kif tliet minuti wara Amadou SAMB reġa’ sab ix-xibka wara li rċieva tajjeb mingħand Corbolan, bi Gżira jkomplu jiddominaw l-iskor u l-partita.
Naxxar naqsu d-distakk fis-57 minuta b’Yuri MESSIAS inaqqas id-distakk b’xutt sabiħ minn barra l-kaxxa li ħasad lil Gżira, b’Curmi ma jagħmel l-ebda reazzjoni. Bil-logħob jibqa’ f’nofs il-grawnd, Naxxar sabu żblokk fit-72 minuta b’xutt ta’ Falzon jgħaddi għoli.
Naxxar baqgħu jissieltu għall-gowl ta’ draw iżda spiċċaw b’raġel anqas fis-77 minuta bil-gowlkiper Nicht imiss il-ballun b’idu barra l-kaxxa. Mill-free-kick, Roderick Briffa laqat il-mimduda wara li l-ballun kien imxellef minn Borg.
Gżira għalqu l-logħba fl-85 minuta b’xutt fil-baxx ta’ Emmanuel OKOYE bi protesti għal offside mill-bankina u partitarji ta’ Naxxar.
