David Goffin irnexxielu jegħleb lil Roger Federer 2-6, 6-3, 6-4 biex għadda għall-finali tal-ATP li hu l-aħħar tournament tal-istaġun. In-numru tnejn tad-dinja daħal għall-14-il semifinali u kien qed jittama li jirbaħ din il-kompetizzjoni għas-seba’ darba.
Federer li rebaħ il-finali ATP għal rekord sitt darbiet, bl-aħħar darba tkun fl-2011, kellu bżonn ħames break points fl-ewwel seba’ minuti tal-logħba tal-ftuħ biex seta’ jmur fil-vantaġġ. Goffin li wasal sas-semifinali wara li għeleb lin-numru wieħed tad-dinja Rafael Nadal, għeleb lil Dominic Thiem il-Ġimgħa.
L-Iżvizzeru għamel break doppju u permezz ta’ backhand għalaq l-ewwel set fi 33 minuta. Is-sid numru sebgħa, li se jmexxi lill-Belġju fil-finali tat-Tazza Davis kontra Franza l-ġimgħa d-dieħla, beda t-tieni set tajjeb u ssorprenda lil Federer biex mar 3-0 minn fuq, liema set għalqu b’mod brillanti.
Goffin kiser is-service tad-19-il darba champion ta’ Grand Slam fit-tielet logħba tad-decider, biex rebaħ is-set deċiżiv 6-4. Hu sar biss il-ħames persuna li għeleb lil Federer dan l-istaġun filwaqt li temm is-sensiela ta’ sitt telfiet konsekuttivi kontra t-tennist ta’ 36 sena.
