Rapport: Keane Cutajar
ST. ANDREWS……….1
LIJA A……………………1
St. Andrews: M. Calleja Cremona, E. Pena Beltre, A. Borg, A. Freggieri, K. Atkinson (T. Azian 52’), K. Butler (M. Miranda Gomez 70’), M. Grima, J. Farrugia, J. Walker, M. Davis, T. Blagrove.
Lija: L. Bonnici, P. Babic, P. Borg (L. Muscat 78’), D. Scerri, A. Sammut (N. Spiter 67’), L J. Schembri (J. Varela 73’), A. Kooh Sohna, A. Bello Osagie, C. Cassar, O. Sidibe, D. Leeflang.
Imwissija: P. Borg 32’, D. Scerri 38’, C. Cassar 75’ (L) M. Davis 38’, K. Atkinson 51’ (S)
Skorjaw: R. Kooh Sohna 14’ (L) J. Farrugia 80’ pen. (S)
Referee: Stefan Pace
Assistenti Referees: Edward Spiteri, Thomas Debono
Il-Mument Plejer tal-Logħba: Martin Davis (St. Andrews)
F’partita bejn żewġ timijiet li attwalment jinsabu fiż-żona l-ħamra tal-Kampjonat Premier, assistejna għal partita bilanċjata kif mistenni. Lija kellhom kontroll fl-ewwel taqsima u St. Andrews ħarġu tajjeb għat-tieni. B’dan ir-riżultat kollox jibqa’ l-istess fin-naħa t’isfel tal-klassifika wara riżultat li ma ffavorixxa lil ħadd ħlief lit-timijiet l-oħra ta’ madwarhom.
L-ewwel azzjoni denja ta’ nota waslet wara 14-il minuta u saħansitra sarrfet f’gowl. Raphael KOOH SOHNA tefa’ xutt fir-rokna tax-xibka wara li d-difiża ta’ St. Andrews naqset li tbiegħed il-periklu. Ir-risposta ta’ St. Andrews waslet tnax-il minuta wara. Free-kick ta’ Joseph Farrugia kien imdawwar f’korner minn Luke Bonnici.
Lee Joe Schembri irnexxielu b’xi mod jgħaddi minn mad-difensuri ta’ St. Andrews mas-36 minuta. Ix-xutt tiegħu kien dgħajjef. L-ewwel azzjoni tat-tieni taqsima marret in-naħa tal-Vjola u waslet fis-56 minuta. Adrian Borg irċieva kross mil-lemin iżda bir-ras tefa’ ċentrali.
Mas-siegħa logħob Schembri ittanta xortih minn pożizzjoni angolata. Simili ta’ kif għamel fl-ewwel taqsima, x-xutt kien ċentrali. Seba’ minuti wara, freekick ieħor ta’ Farrugia għadda għoli. St. Andrews komplew ifittxu l-gowl. Kien kross mil-lemin li daħal għalih Aidan Friggieri iżda sab lil Bonnici li ħareġ u mblokka tajjeb qabel l-istess Friggieri seta’ kkompożizzjona ruħu.
Enmy Pena Beltre prova bid-dawra hekk kif kien fadal kwarta logħob. Ix-xutt għal ftit ma qarraqx bil-gowlkiper ta’ Lija iżda spiċċa għadda ftit barra. St. Andrews resqu l-iktar viċin id-draw ftit sekondi wara b’azzjoni perikoluża. It-tim ta’ Lija irnexxielu għal darbtejn ibiegħed il-periklu minn lasta prattikament vojta wara żewġ tentattivi.
St. Andrews ġabu d-draw fl-azzjoni ta wara. Ir-referee Stefan Pace saffar għal penalty favur St. Andrews fid-79 minuta wara fawl fuq Davis mis-sostitut Nigel Spiteri. Mill-ħdax-il metru is-solitu Joseph FARRUGIA ma żbaljax biex għamel l-iskor 1-1. Minuta mit-tmiem, Pena Beltre kien viċin li jagħti r-rebħa lit-tim tiegħu meta prova b’xutt tajjeb fil-baxx wara kross mil-lemin. Bonnici kellu ideat oħra u bi bravura dawwar f’korner.
