Lionel Messi xejjen spekulazzjonijiet li jista’ jħalli lil Barcelona meta ffirma kuntratt ġdid ta’ erba’ snin mal-istess klabb. L-istilla Arġentina ilu ma’ Barcelona mill-2000 fl-età ta’ 13-il sena, u għamel id-debutt mal-ewwel tim tliet snin wara.
Il-kuntratt il-ġdid tal-plejer ta’ 30 sena għandu klawsola ta’ €700 miljun u tal-anqas se jkun qed jilgħab ma’ Barcelona sa tmiem l-istaġun 2020/21. Fiż-żmien tiegħu mal-klabb, Messi kien strumentali biex Barcelona fost l-oħrajn jirbħu tmien darbiet il-La Liga, erba’ darbiet iċ-Champions League u ħames darbiet it-Tazza tar-Re.
In-numru 10 skorja aktar minn 600 gowl mal-klabb u mat-tim nazzjonali Arġentin u hu l-uniku plejers li rebaħ il-Ballun tad-Deheb ħames darbiet.
