Il-mara ċċertifikata li qed issofri minn feriti gravi
Tifel ta’ ħames xhur ma sofra l-ebda feriti, filwaqt li mara sofriet feriti gravi, f’inċident li seħħ għall-ħabta tal-10am quddiem iċ-Ċimiterju tal-Addolorata.
Jirriżulta li karozza tat-tip Mitsubishi Pajero, misjuqa minn żagħżugħ ta’ 19-il sena miż-Żejtun, laqtet mara, ta’ 32 sena minn San Ġwann, li kellha lit-tarbija magħha fil-‘pushchair’.
L-inċident ħoloq konġestjoni tat-traffiku minħabba li kellha tingħalaq waħda mill-karreġġjati.
Fil-post marru l-Pulizija u tim mediku, li ħa lill-mara l-Isptar Mater Dei b’Ambulanza.
Fortunatament, it-tifel ma sofra l-ebda feriti, filwaqt li l-mara ġiet iċċertifikata li qed issofri minn feriti gravi.
Aktar investigazzjonijiet tal-Pulizija għadhom għaddejjin.
