Titħabbar il-mewt ta’ Christine Keeler, il-mara wara l-Profumo Affair

Tħabbret il-mewt ta’ Christine Keeler, f’eta ta’ 75 sena u kienet mudella u żeffina u l-persuna li kienet wara dak li kien tlaqqam il-Profumo Affair.

Skandlu sesswali u ta’ spjunaġġ fejn Keeler kienet il-maħbuba tal-Ministru tal-Gwerra Ingliż John Profumo fl-istess ħin li kienet maħbuba ta’ Yevgeny Ivanov, ir-responsabbli navali tal-Ambaxxata Sovjetika. Dan fl-eqqel tal-Gwerra Bierda fis-snin Sittin.
L-iskandlu kien ħasad ir-Renju Unit u kien wassal għar-riżenja ta’ Profumo minħabba r-relazzjoni ma’ Keeler. L-iskandlu wkoll jitqies bħala fattur ewlieni talli krolla l-Gvern ta’ Harold Macmillan u għar-rebħa tal-Partit Laburista taħt Harold Wilson fl-1964.
Keeler mietet minħabba marda fil-pulmun.