Bejn illum u l-Ħadd, jiġi fi tmiemu l-ewwel rawnd tal-Kampjonat BOV Premier fejn fost il-partiti jispikkaw il-konfronti bejn l-ewwel erba’ timijiet. Bħalissa qed tintlagħab il-logħba bejn Mosta u Sliema Wanderers.
Għada fis-2.00pm fl-Istadium Nazzjonali Ħamrun Spartans jilagħbu kontra Birkirkara f’dak li mistenni jkun konfront missielet, u warajhom tintlagħab il-logħba bejn Balzan u Hibernians, b’tal-ewwel jittamaw li jtemmu l-ewwel rawnd fil-quċċata.
Fil-Victor Tedesco Stadium, fis-2.00pm Senglea Athletic jilagħbu kontra Naxxar Lions f’konfront min-naħa ta’ isfel, filwaqt li fl-4.15pm Floriana jilagħbu kontra Lija Athletic, f’dik li se tkun l-ewwel logħba fit-tmexxija ta’ Floriana għal Nicolas Chiesa.
Il-Ħadd jintlagħbu l-aħħar żewġ logħbiet fil-Hibernians Stadium. Fis-2.00pm St. Andrews jilagħbu kontra Tarxien Rainbows, u warajhom Gżira United jilagħbu kontra l-leaders l-oħrajn Valletta.
