Puttinu Cares jinsabu għaddejjin minn mumenti diffiċli bħalissa hekk kif ġew ikkawżati numru ta’ ħsarat wara li tħalla ħafna ilma nieżel fil-kamra tal-banju. B’konsegwenza t’hekk, kellhom jingħalqu żewġ appartamenti sabiex jitranġaw il-ħsarat.
Minħabba f’hekk, Puttinu Cares jinsab f’diffikultà hekk kif qed jistennew li f’Jannar dawn l-appartamenti jkunu mimlijin bil-pazjenti li sejrin għall-bone marrow transplants.
Fid-dawl ta’ dan, Puttinu Cares tappella li kull min jagħmel użu minn dawn l-appartamenti jieħu ħsiebhom bħal ma jieħdu ħsieb id-dar tagħhom.
Fuq Facebook, Puttinu Cares tennew li jiddispjaċihom li xi kultant pazjenti ma japprezzawx biżżejjed u jikkawżaw ħsarat bi traskuraġni li jistgħu jiġu evitati b’naqra attenzjoni.
