Is-soċjalisti Ewropej li l-Partit Laburista Malti jifforma parti minnu, jridu li Malta tingħata status ta’ tax haven. Filwaqt li bejn il-partiti politiċi f’Malta hawn qbil li Malta mhix tax haven, jidher li s-Soċjalisti Ewropej qed jinsistu fit-talba tagħhom.
Fi Stqarrija l-Kelliem tal-Partit Nazzjonalista għall-Affarijiet Ewropej, David Stellini u Roselyn Borg Knigh, is-Segretarju Internazzjonali tal-Partit Nazzjonalista qalu li mhux l-istess jista’ jingħad għall-Partit Popolari Ewropew (EPP) il-grupp politiku ewropew li tiegħu l-Partit Nazzjonalista jifforma parti. Dan għaliex it-talba qed issir biss mis-soċjalisti Ewropej.
Jekk tgħaddi tas-Soċjalisti Ewropej l-ekonomija ta’ Malta tieħu daqqa l-isfel u flimkien magħha l-għixien tal-familji Maltin.
Il-Partit Nazzjonalista ilu għal snin jgħid li Malta mhux tax haven u minkejja diversi attentanti fil-passat dejjem ikkonvinċa li dan mhux il-każ.
Il-Partit Nazzjonalista, permezz tal-ewroparlamentari tiegħu David Casa, Roberta Metsola u Francis Zammit Dimech, mill-oppożizzjoni qed jirnexxielu jikkonvinċi. Malta mhux tax haven.
