Il-plejer internazzjonali Malti Andreas Galea skorja l-gowl rebbieħ ta’ Dunav fir-rebħa ta’ 9-8 li kellhom kontra ZAK. B’kollox, Galea skorja erba’ gowls, bil-gowl deċiżiv jasal minuta mit-tmiem.
Iż-żagħżugħ Malti skorja gowl kull wieħed fit-tieni u fit-tielet sessjoni permezz ta’ kontrattakki. Fl-aħħar sessjoni Andreas Galea skorja doppjetta. It-tielet gowl personali wasal b’azzjoni personali u d-disa’ gowl ta’ Dunav wasal b’xutt mid-distanza.
Sa issa, Dunav rebħu minn tlieta fil-Kampjonat A tas-Serbja, b’Galeaa jiskorja seba’ gowls minn tliet logħbiet. Fl-istess logħba, skorja gowl il-Malti l-ieħor Mattias Ortoleva, biex b’hekk skorja t-tieni gowl minn tliet logħbiet.
