F’laqgħa tal-Grupp Parlamentari tal-Partit Nazzjonalista li saret illum wara nofsinhar, ġie maqbul li fid-diskussjoni Parlamentari ta’ nhar it-Tnejn li ġej dwar il-mozzjoni tal-Park tal-Majistral titressaq emenda miż-żewġ viċi Kapijiet tal-Partit Nazzjonalista David Agius u Robert Arrigo kif ukoll mill-whip Robert Cutajar.
L-emenda li se titressaq tgħid li l-kamra tar-rappreżentanti għandha taqbel li minħabba li ma kienx hemm qbil min-naħa tal-bord maħtur mill-istess Gvern li kien jinkludi n-Nature Trust, Gaia Foundation u Din l-Art Ħelwa u li dawn unanimament taw il-parir tagħhom kontra l-estensjoni taż-żieda fil-ħinijiet, il-Parlament għandu jaqbel li tinfetaħ konsultazzjoni wiesgħa mal-partijiet kollha nteressati ħalli tinstab soluzzjoni mal-partijiet kollha kkonċernati.
Il-Partit Nazzjonalista stieden lill-Gvern biex jaqbel ma din l-emenda biex tkun tista’ tintlaħaq soluzzjoni aċċettabbli.
