Raġel ta’ 34 sena mill-Ħamrun qed isofri minn ġrieħi grava wara li lbieraħ għall-ħabta tas-7:30PM kien involut f’inċident tat-traffiku fi Triq il-Wied, l-Iklin.
Il-ħabta seħħet bejn karozza Subaru Vivio misjuqa minnu u bejn karozza tat-tip Smart Roadster misjuqa minn ġuvni ta’ 24 sena li jgħix is-Swieqi.
Ir-raġel mill-Ħamrun ittieħed l-Isptar Mater Dei permezz ta’ ambulanza li ssejħet fuq il-post għall-għajnuna.
L-investigazzjonijiet tal-Pulizija b’rabta ma’ dan il-każ għadhom għaddejjin.
