Rapport: Keane Cutajar
ST. ANDREWS………….2
HIBERNIANS……………1
St. Andrews: M. Calleja Cremona, E. Pena Beltre, A. Borg, M. Miranda Gomez, T. Azian (J. Walker 79’), M. Grima, J. Farrugia, M. Gauci, T. Grant, D. Jackson (K. Atkinson 82’), K. Reid (A. Friggieri 72’)
Hibernains: A. Hogg, D. Vella (J. Bezzina 68’), M. Kreuzriegler, R. Gomes, J. Lima, M. Dias, B. Kristensen, C. Failla (M. A. Morgon Filho 77’), A. Agius, J. Mbong (J. Degabriele 72’), M. Sahanek
Imwissija: E. Pena Beltre 59’, T. Azian 76’ (S) C. Failla 75’ (H)
Skorjaw: C. Failla 43’ (H) M. Miranda Gomez 51’, K. Atkinson 95’ (S)
Tkeċċa: J. Bezzina 90’ (H)
Referee: Malcolm Spiteri
Assistenti Referees: Christopher Francalanza, Theodore Zammit
Il-Nazzjon Plejer tal-Logħba: Clayton Failla (Hibernians)
Gowl fl-aħħar azzjoni, ta rebħa importanti għat-tim ta’ Michael Woods wara li kien mar minn taħt fl-aħħar azzjoni tal-ewwel taqsima. It-tim ta’ Mark Miller wera l-intenzjonijiet tiegħu sa minn kmieni u kkontrolla l-logħba b’azzjoni wara l-oħra, iżda naqas li jkun perikoluż ħlief għall-aħħar azzjoni tal-ewwel taqsima.
St. Andrew dehru tim differenti fit-tieni taqsima u nkwetaw mhux ftit lit-tim minn Raħal Ġdid biex saħansitra ħadu t-tliet punti fl-aħħar sekondi. Hibernians setgħu forsi kienu xi ftit demoraliżżati wara t-telfa li sofrew kontra Floriana fil-finali tal-Erbgħa li għadda.
Wara 20 minuta, Martin Kreuzriegler tefa’ kross baxx mix-xellug, u mill-viċin fuq l-ewwel lasta, Joseph Mbong tefa’ barra minn qagħda tajba. Fit-42 minuta, bl-unika azzjoni tagħhom tal-ewwel taqsima, St. Andrews setgħu għamlu aħjar. Wara li ħafna naqsu li jikkonkludu, l-aħħar xutt kien ta’ Tano Azian li minn qagħda komda spara għoli.
Biex minuta wara, it-tim ta’ Raħal Gdid marru minn fuq. Kien kross tajjeb mil-lemin ta’ Marco Sahanek, Clayton FAILLA daħal tajjeb għalih bir-ras biex bla problemi tefa’ fix-xibka. St. Andrews kellhom ċans hekk kif fetħet it-tieni taqsima. Azian ta biss l-illużjoni tal-gowl meta l-ballun ħabat max-xibka minn barra.
Kontra x-xejra tal-logħob il-vjola ġabu d-draw. Kien fil-51 minuta li Misael MIRANDA GOMEZ sab ruħu f’poizzjoni tajba. Quddiem Hogg ma żbaljax biex għamilhom 1-1.
Matthew Calleja Cremona salva tajjeb fil-baxx fuq xutt ta’ Jackson Lima fil-65 minuta. Mill-istess korner, Hibs resqu viċin iżda l-ballun spiċċa f’goal kick wara li d-difiża ta’ St. Andrews naqset li tbiegħed il-periklu.
Kwarta mit-tmiem, Kreuzreigler ittanta xortih minn barra l-kaxxa iżda Calleja Cremona kien attent u salva x-xutt ċentrali bla problemi ta’ xejn. Bjorn Kristensen għamel simili lejn l-aħħar tal-partita però l-gowlkiper tal-vjola reġa’ salva.
Hibs spiċċaw jilagħbu b’għaxra fl-aħħar sekondi meta ġie mkeċċi Johann Bezzina wara taħdida bejn ir-referee u l-assistent fuq senjalazzjoni tal-istess assistent. Biex kien biss fl-aħħar sekondi li St. Andrews rebħu l-partita. Kien ġmiel ta’ gowl ta’ Kevaughn ATKINSON li ħasad lil kulħadd hekk kif mill-bod għeleb lil Andrew Hogg.
