Instab il-katavru ta’ Mohamed Eshtewi, is-Sindku tal-belt Libjana ta’ Misurata. Hu kien spiċċa vittma ta’ nasba l-Ħadd filgħaxija hekk kif wasal lura fil-pajjiż wara vjaġġ f’Istanbul, it-Turkija. Hu kien f’karozza ma’ ħuh meta kienu attakkati tul it-triq li tagħti lejn l-ajruport. Il-katavru tiegħu imbagħad instab sigħat wara, mimli tiri ta’ arma tan-nar quddiem sptar lokali. Mhux magħruf minn kien wara l-attakk.
