Napoli rnexxielhom jikkwalifikaw għall-kwarti tal-finali tal-Coppa Italia meta għelbu lil Udinese 1-0 fi Stadio San Paolo. Il-kowċ Maurizio Sarri bidel diversi plejers mill-formazzjoni inizjali u l-logħob mistenni minnhom naqas ftit, bil-kowċ Taljan ikollu jirrikori għal plejers bħal Lorenzo Insigne u Dries Mertens. Udinese offrew sfida denja fejn kienu organizzati.
Napoli skorjaw il-gowl tar-rebħa fil-71 minuta f’azzjoni maħduma bejn is-sostituti b’Dries Mertens iqassam djagonalment lejn Lorenzo INSIGNE li avvanza u baqa’ dieħel fil-kaxxa biex għeleb lil Scuffet b’xutt djagonali fil-baxx għar-rokna.
B’din ir-rebħa, Napoli jilagħbu kontra r-rebbieħ bejn Sassuolo u Atalanta.
Għada
Atalanta v Sassuolo 3.00pm
Roma v Torino 5.30pm
Juventus v Genoa 8.45pm
