Nofs il-poplu Malti m’għandhux is-serħan tal-moħħ li l-awtoritajiet u l-pulizija qegħdin jiġġieldu l-korruzzjoni u l-ħasil tal-flus. Fi stqarrija l-Partit Nazzjonalista sostna li huwa ippreokuppat bir-riżultat fqir li ġabet Malta fl-istħarriġ tal-Kummissjoni Ewropea illi juri dan b’mod ċar.
Il-Partit Nazzjonalista jinnota b’dispjaċir li Malta hija waħda mill-uniċi 5 pajjiżi li kellhom tnaqqis f’dawn iż-żewģ oqsma. Fl-aħħar sentejn biss, il-fiduċja fl-awtoritajiet biex jiġġieldu l-korruzzjoni waqgħet b’6% filwaqt li l-fiduċja biex dawn jikkumbattu l-ħasil tal-flus niżlet b’5%. Fiż-żewġ każi pajjiżna kien it-tieni l-aktar li mar lura minn fost il-pajjiżi kollha.
Dan filwaqt li l-medja tat-28 membru tal-Unjoni Ewropea irreģistraw titjib.
Il-Partit Nazzjonalista fl-istqarrija qal li jinsab imħasseb li l-poplu qed jitlef l-fiducja fl-istituzzjonijiet tal-pajjiz li jridu jipproteġuh.
Il-Partit Nazzjonalista appella lill-Gvern biex ma jħallix lill-istituzzjonijiet ta’ pajjiżna jkomplu jitnawwru.
