Rimonta brillanti ta’ Arsenal fil-bidu tat-tieni taqsima ma kinitx biżżejjed għalihom hekk kif spiċċaw fi draw ta’ 3-3 kontra Liverpool, f’dik li kienet partita oħra bejn iż-żewġ timijiet li pproduċiet ħafna gowls. B’dan ir-riżultat, Liverpool baqgħu punt fuq Arsenal fil-klassifika.
Liverpool fetħu l-iskor fis-26 minuta b’Philippe Coutinho jqabbeż b’daqqa ta’ ras fuq Petr Cech wara li kross mil-lemin kien imxellef. It-tim ta’ Klopp irdoppja fit-52 minuta b’kontrattakk veloċi li minnu xutt ta’ Mohamed Salah kien imxellef u spiċċa fir-rokna tax-xibka.
Arsenal irnexxielhom jiskorjaw ftit sekondi b’Alexis Sanchez jidħol tajjeb għal kross mil-lemin u jiskorja b’daqqa ta’ ras. Għaddew tliet minuti u Arsenal ġabu d-draw b’xutt b’saħħtu minn barra l-kaxxa ta’ Granit Xhaka, li Mignolet ċertament seta’ jagħmel aħjar.
It-tim ta’ Wenger kompla r-rimonta fit-58 minuta b’Mesut Özil jikkonkludi azzjoni maħduma tajba u qabbeż fuq Mignolet. Liverpool irnexxielhom iġibu d-draw fil-71 minuta b’gowl ta’ Roberto Firmino wara li kien żmarkat u x-xutt tiegħu kien salvat parzjalment minn Cech bil-ballun jispiċċa fix-xibka.
