Fil-Festa ta’ Ġenerożità li saret b’risq id-Dar tal-Providenza fl-ewwel ġurnata tas-sena nġabret is-somma rekord ta’ €1,255,269. Il-maratona ixxandar fuq l-istazzjonijiet ewlenin, fosthom Net Television.
Is-sena li għaddiet fl-istess maratona nġabret is-somma ta’ €980,911 u din is-sena s-somma kisret kull rekord b’risq id-Dar tal-Providenza.
F’kumment fi tmiem il-maratona, id-Direttur tad-Dar tal-Providenza Fr Martin Micallef irringrazzja lill-Maltin kollha għal din is-somma mill-isbaħ.
Il-Festa ta’ Ġenerożità bdiet dalgħodu b’quddiesa ċċelebrata mill-Arċisqof Charles Scicluna, u kompliet bi spettaklu u appelli għad-donazzjonijiet b’risq id-Dar tal-Providenza tul il-ġurnata kollha.
Id-Dar tal-Providenza tieħu ħsieb aktar minn 100 resident bi bżonnijiet speċjali u għandha wkoll residenti f’diversi djar residenzjali madwar Malta.
