L-islots li għandha l-Air Malta f’għadd ta’ ajruporti fl-Ewropa mhux se jibqgħu propjetà tagħha u minflok se jingħaddu lill-kumpanija ġdida bl-isem ta’ Malta Air Travel Limited.
Din il-kumpanija ġiet irreġistrata mill-Gvern illum b’kapital ta’ €70 miljun u se tkun qed tikri dawn l-islots lill-Air Malta b’tariffa kummerċjali maqbula għall-perjodu fit-tul sabiex tibqa’ topera minnhom.
