Rapport: Keane Cutajar
MOSTA…………………..0
BIRKIRKARA…………3
Mosta: A. Vella, L. Ferreira, D. Xuereb (K. Frendo 73’), T. Veronese, K. Magro, D. Mansi, T. Farrugia, R. Jonas (Z. Brincat 73’), D. Nworah, I. Maric (J. Tanti 61’), A. Dos Santos
Birkirkara: K. Naumovski, E. Herrera, F. Barbosa, M. Andelkovic, J. Grech, N. Micallef (G. Zammit 10’), K. Zammit, N. Vukanac, C. Da Silva, S. Dimitrov (Z. Cassar 88’), B. Fernandez (A. Attard 75’)
Imwissija: K. Zammit 17’, S. Dimitrov 25’ (B) D. Xuereb 24’ (M)
Skorjaw: S. Dimitrov 40’, B. Fernandez 56’, J. Grech 60’ (B)
Referee: Matthew Degabriele
Assistenti Referees: Luke Portelli, Dusan Petrovic
In-Nazzjon Plejer tal-Logħba: Jake Grech (Birkirkara)
Birkirkara komplew bil-mixja pożittiva tagħhom meta akkwistaw rebħa oħra konvinċenti din id-darba fuq it-tim ta’ Mosta, b’wirja stupenda ta’ futbol bil-pussess tal-ballun fl-attakk. Numru ta’ uċuħ ġodda kienu inklużi fl-iskwadra minn Paul Zammit wara li aktar kmieni din il-ġimgħa l-Istripes tilfu tliet plejers fuq sospensjoni mill-UEFA.
L-ewwel azzjoni marret in-naħa ta’ Mosta wara biss erba’ minuti meta Leandro Henrique Ferreira daħal tajjeb mil-lemin u spara fil-baxx hekk kif Fernando Barbosa naqas li jeħles mill-periklu. Kristjan Naumovski kien attent niżel u dawwar f’korner.
Birkirkara kienu sfurzati sostituzzjoni kmieni fil-partita meta sfortunatament weġġa’ ż-żagħżugħ Neil Micallef li floku daħal Gianluca Zammit wara għaxar minuti logħob.
Srdjan Dimitrov venven xutt b’saħħtu lejn ir-rokna tal-lasta wara nofs siegħa logħob u bi bravura, Andreas Vella dawwar f’korner. Għaxar minuti wara, Birkirkra marru minn fuq. Kien kross perfett ta’ Jake Grech lejn Srdan DIMITROV li ma kellu xejn x’jagħmel ħlief li jitfa’ ġewwa.
Mosta irrispondew immedjatament permezz ta’ free-kick tas-solitu Thomas Veronese li ġie salvat tajjeb minn Naumovski. Mir-rebawnd, Kurt Magro falla il-mira bi żbrixx.
L-Istripes għamluhom tnejn fis-56 minuta bi ġmiel ta’ xutt minn barra l-kaxxa ta’ Bruno FERNANDEZ DE BRITO li baqa’ dieħel fir-rokna. Id-difensuri ta’ Mosta setgħu għalqu l-ispazju aħjar. It-tim ta’ Paul Zammit kompla jimpressjona u għaqqad it-tripletta erba’ minuti wara. Dimitrov għadda lejn Jake GRECH li xeħet fix-xibka f’azzjoni maħduma tajjeb ferm mill-attakkanti ta’ Birkirkara.
