TARXIEN R…………..1
LIJA A………………….2
Tarxien: A. Cassar, A. Scicluna, E. Baker (M. Dieye 65’), L. Grech, S. Radovanovic, A. Mitrev, A. Agius (S. Cipriott 75’), A. Azzopardi (M. Brincat 78’), E. Calin, R. Faria, S. Tounkara
Lija: J. Martinelli, O. Sidibe, P. Babic, J. Saavedra (M. Clinch 46’), A. Sammut, D. Scerri, L.J. Schembri, C. Celis (R. Sammut 72’), K. Hirose, E. Beu, R. Kooh Sohna
Imwissija: R. Faria 27’, A. Agius 31’, A. Scicluna 40’, E. Baker 63’, A. Mitrev 77’, (T), J. Saavedra 22’, P. Babic 66’, L.J. Schembri 87’ (L)
Tkeċċa: R. Faria 57’ (T)
Skorjaw: R. Faria 27’ pen (T), O. Sidibe 52’, E. Beu 60’ (L)
Referee: Stefan Pace
Assistenti Referees: Edward Spiteri, Thomas Debono
Lija rnexxielhom jiksbu sodisfazzjon fi staġun li għalihom qed ikun diffiċli wara li għelbu lil Tarxien Rainbows 2-1, f’logħba bejn l-aħħar żewġ timijiet fil-Kampjonat Premier. It-tim ta’ Joseph Galea deher li seta’ jkollu partita oħra diffiċli wara li kienu minn taħt, iżda żewġ gowls fi ftit ħin fil-bidu tat-tieni taqsima, dawru r-riżultat favurihom, biex jinsabu mal-aħħar tmienja tal-kompetizzjoni.
Tarxien kellhom l-ewwel taqsima pożittiva fejn minbarra li marru fil-vantaġġ, kienu aħjar mill-avversarji u setgħu saħansitra kabbru l-vantaġġ. Iżda wara li Lija marru fil-vantaġġ, Tarxien ma wettqux reazzjoni denja fejn saħansitra spiċċaw il-logħba b’raġel anqas.
Fl-ewwel kwarta, Tarxien kellhom okkażjonijiet li setgħu fetħu l-iskor, b’daqqiet ta’ ras minn Ricardo Faria u Samba Tounkara li għaddew ftit barra. Tarxien marru fil-vantaġġ fis-27 minuta meta r-referee Stefan Pace ordna penalty għal fawl ta’ Lee Joe Schembri fuq Ayrton Azzopardi. Mill-11-il metru, Ricardo Faria tefa’ lil Martinelli n-naħa l-oħra b’xutt fuq in-naħa leminija tal-lasta.
Lija kienu fortunati li tal-anqas temmew it-taqsima gowl biss minn taħt, meta minn kross ta’ Tounkara, il-konklużjoni ta’ Faria giet mċaħħda mil-lasta x-xellugija.
It-tieni taqsima kien pożittiv għal Lija. Huma ġabu d-draw fit-52 minuta meta minn azzjoni ta’ korner, Erjon Beu krossja mix-xellug fil-kaxxa, bil-ballun jispiċċa għand Ousmane SIDIBE li b’xutt mill-ewwel għeleb lil Andrea Cassar. Lija skorjaw il-gowl tar-rebħa mas-siegħa logħob meta minn ballun fit-tul, Kooh Sohna niżżel bir-ras lejn l-iżmarkat Erjon BEU li għeleb lil Andrea Cassar b’xutt għar-rokna.
Tarxien dehru maħsuda filwaqt li Lija rabbew aktar kunfidenza. It-tentattivi ta’ Tarxien sofrew daqqa ta’ ħarta meta Ricardo Faria tkeċċa għal żewġ karti sofor fid-79 minuta. Minkejja dan, Tarxien marru qrib id-draw sitt minuti mit-tmiem iżda l-konklużjoni tiegħu mill-viċin spiċċat barra. Lija setgħu serrħu rashom qabel it-tisfira meta Kooh Sohna evita żewġ difensuri iżda kien imċaħħad minn Cassar li dawwar f’korner.
