Sqalli ta’ 42 sena weġġa’ gravi meta dalgħodu waqa’ minn għoli f’binja fil-Gżira.
Jirriżulta li l-inċident seħħ għall-ħabta tal-10:30a.m. meta għal xi raġuni ir-raġel waqa’ għoli ta’ ħames sulari minn bokka ta’ lift li hemm fl-istess binja fi Triq D’Argens, il-Gżira.
Fuq il-post waslu Pulizija kif ukoll ambulanza li ħadet lir-raġel l-Isptar Mater Dei għall-kura meħtieġa.
Iktar tard, huwa ġie ċċertifikat li qiegħed isofri minn ġrieħi gravi.
