Illejla għall-ħabta tal-5:30pm reġa’ żviluppa nar fl-impjant ta’ Sant’Antnin f’Marsaskala.
In-nar beda f’sezzjoni tal-impjant ġewwa Sant’Antnin f’Marsaskala li jitmexxa minn WasterServ, fejn mill-ewwel indikazzjonijiet jidher li dan seħħ permezz ta’ xi materjal relatat mal-piroteknika, li seta’ kien imħallat mal-iskart li daħal fl-impjant biex jiġi proċessat.
Minnufih il-WasteServ ħadet il-miżuri kollha ta’ prekawzjoni sabiex in-nar jiġi kkontrollat, filwaqt li ntalbet l-assistenza tal-Protezzjoni Ċivili kif ukoll dik tal-Pulizija u l-EOD tal-Forzi Armati.
Ħadd mill-ħaddiema ma weġġa’ f’dan l-inċident.
Ħmistax ilu wkoll żviluppa nar qawwi fuq in-naha ta’ ġewwa ta’ dan l-impjant, waqt li f’Mejju li għadda żviluppa nar qawwi fuq barra.
FILMAT: Mill-ġdid nirien fl-impjant ta’ Sant’Antnin f’Marsaskala
In-Nar fl-impjant ta’ Sant’Antnin: Avviż importanti mill-Protezzjoni Ċivili
