Caroline Wozniacki rebħet l-ewwel Grand Slam fil-karriera tagħha wara li fil-finali għelbet lil Simona Halep 7-6 (7-2), 3-6, 6-4 biex rebħet il-finali tal-Open tal-Awstralja. B’din ir-rebħa, id-Daniża reġgħet kisbet ukoll l-ewwel post fir-rankings tad-dinja proprju mingħand Halep, eżattament sitt snin wara.
Wozniacki kienet preżentata bit-trofew Daphne Akhurst Memorial mingħand Billie Jean King. Hi qalet “qed nieħu sekonda biex ngħannaq lil Daphne. Dan hu veru mument emozzjonanti. Kienu ġimagħtejn inkredibbli. Irrid nifraħ lil Simona. Naf li llum ġurnata iebsa. Kien logħba inkredibbli. Skużani,” qalet Wozniacki.
Id-Daniża bdiet tajjeb u marret mill-ewwel 3-0 minn fuq. Iżda Halep żiedet l-aggressività fejn tilfet biss erba’ punti meta kellha s-service biex tefgħet l-ewwel set f’tie-break. Iżda Wozniacki, finalista darbtejn tal-Open tal-Istati Uniti, żiedet ir-ritmu u rebħet it-tie-break 7-2 biex kisbet l-ewwel set.
Halep irnexxielha tirkupra erba’ okkażjonijiet ta’ break points fit-tielet logħba tat-tieni set, iżda kienet qed tilgħab f’kundizzjonijiet sħan u mimlija umdità, bil-mediku jintervjeni f’ħin minnhom biex jiċċekkja l-pressjoni tad-demm.
It-tennista ta’ 26 sena dehret li mhix 100%, iżda kienet Wozniacki li wriet l-ewwel sinjali ta’ tbatija, hekk kif Halep b’xi mod żiedet l-enerġija biex kisret is-service fit-tmien logħba. Id-Daniża kellha tliet okkażjonijiet biex twieġeb iżda falliet, b’Halep tagħlaq it-tieni set favur tagħha.
Bir-regola tas-sħana tidħol fis-seħħ, it-tennisti ngħataw brejk ta’ 10 minuti bejn is-sets, li deher li kien ta’ għajnuna kbira għal Halep, bit-tennista tidher li rebħet ir-ritmu qabel ma’ Wozniacki ħadet time-out mediku minħabba problema fl-irkoppa tax-xellug. Hi rritornat biex għamlet l-iskor 4-4.
Caroline Wozniacki marret set bogħod mir-rebħa, b’ħiliet difensivi u offensivi. Hi waqgħet fuq il-court wara li l-backhand ta’ Halep li fissret ir-rebħa importanti għaliha wara sagħtejn u 49 minuta ta’ azzjoni.
Halep qalet li kien tournament tajjeb għaliha. Hi kompliet tgħid li ma bdietx tajjeb minħabba li weġġgħet l-għaksa iżda kienet kuntenta li lagħbet finali ta’ Grand Slam. Halep saħqet li għad fadlilha ħafna snin u qed tittama li jkollha sfida oħra bħal din.
