Ġuvni ta’ 29 sena minn Ħad-Dingli sofra ġrieħi gravi wara inċident tat-traffiku.
L-inċident seħħ il-Ġimgħa filgħaxija fi Triq Ganu, f’Birkirkara, għall-ħabta tal-11.30 ta’ bil-lejl meta seħħet ħabta bejn mutur li kien mijusq mill-ġuvni u karozza misjuqa minn ġuvni ta’ 19-il sena min-Naxxar.
Is-sewwieq tal-mutur ittieħed l-isptar Mater Dei fejn wara rriżulta li qed isofri minn ġrieħi gravi. Is-sewwieq tal-karozza ma sofra l-ebda ġrieħi.
L-investigazzjonijiet tal-Pulizija għadhom għaddejjin.
