Il-Kumpless The Embassy fil-belt Valletta li sal-lum kien kumpless bi ħwienet u ċinema se jkun żviluppat parti minnu għal-lukanda ta’ erba’ stilel wara li l-bord tal-ippjanar ta l-approvazzjoni tiegħu biex il-proġett isir.
Id-disinn tal-bini se jibqa’ identiku għal dak li hemm illum, bi ftit tibdil infrastrutturali u ntroduzzjoni ta’ ftit twieqi. Fuq ġewwa l-istruttura se tinżamm ukoll kważi l-istess, biss il-ħwienet se jitneħħew biex jinbnew 82 kamra għal-lukanda.
Iz-zona fejn illum hemm iċ-ċinema se tinbidel f’zona għal kolazzjon, bar u faċilitajiet ta’ pool biex Maltin u turisti japprezzaw il-veduti sbieħ tal-belt. Madankollu l-kumpanija se tirriloka ċ-ċinema għal parti oħra tal-kumpless.
Ix-xogħolijiet f’dan il-proġett mhux se jibdew qabel is-sena d-dieħla.
