PEMBROKE A. ……………………4
PIETA H. …………………………….2
Pembroke: K. Gerada, G. Azzopardi, I. Misan, M. Mifsud (L. Grech 62’), M.A. Borg, J.P. Mifsud Triganza, D. Priso (A. Glloga 90’), T. Fenech, C. Alves De Souza, Y. Tonna (W. Chircop 83’), Z. Grech.
Pietà: M. Montfort, C. Degabriele, C. Grech, A. White, J. Ishaya Irimiya, G. Mensah, D. Agius, N. Pace Cocks, S. Bartolo, J.M. Artiaga (L. Chiedozie 69’), C. Gauci (J. Busuttil 69’)
Referee: Shaun Calleja
Pembroke rritornaw għar-rebħ meta għelbu lil Pietà biex b’hekk komplew jitbiegħdu miż-żona tar-relegazzjoni. Għal Pietà din it-tieni telfa konsekuttiva bi skor kbir tkompli ttellifhom mill-mixja tagħhom lejn il-Kampjonat Premier, fejn issa timijiet bħal Żebbuġ u Vittoriosa jistgħu jersqu iktar qrib tagħhom.
Minkejja li Pietà bdew aħjar, kien il-gowlkiper tagħhom Montfort li kien impenjat l-ewwel meta salva xuttijiet ta’ Zachary Grech u Priso. Fil-11-il minuta Pembroke fetħu l-iskor meta minn azzjoni ta’ free-kick il-ballun wasal għand CAIO ALVES DE SOUZA li mill-viċin bir-ras xeħet fis-saqaf tax-xibka.
Żewġ minuti wara free-kick ta’ Jean Pierre Mifsud Triganza u ballun ftit barra u fl-14-il minuta Triganza jerġa’ jmur qrib wara pass ta’ Priso. Pieta ippruvaw iwettqu reazzjoni iżda bdew iħallu spazji fid-difiża u fil-25 minuta għal ftit ma kinux kastigati f’azzjoni ta’ kontrattakk bix-xutt ta’ Misan salvat b’siequ minn Montfort.
It-tieni gowl iżda kien fil-qrib u wasal fit-28 minuta permezz ta’ MIFSUD TRIGANZA li skorja mill-viċin f’azzjoni konfuża quddiem Montfort. Minkejja l-isforzi tagħhom, Pietà resqu biss qrib fil-45 minuta meta xutt ta’ Neil Pace Cocks ħabat mal-lasta.
Tliet minuti mill-ftuħ tat-tieni taqsima Jean Pireer Mifsud Triganza twaqqa’ minn Ishaya Irimiya u mill-11-il metru bil-kalma kollha PRISO għeleb lil Montfort. Pietà issa dehru rassenjati u fid-59 minuta Pembroke skorjaw ir-raba’ gowl mertu ta’ Jean Pierre Mifsud Triganza fuq ix-xellug li qassam lejn YANIS TONNA li mill-viċin mattar siequ u xeħet fix-xibka.
Fis-70 minuta Mensah twaqqa’ minn Tyron Fenech u mill-11-il metru kien DYLAN AGIUS li naqqas l-iskor. Erba’ minuti wara Pembroke viċin il-ħames gowl b’daqqa ta’ ras ta’ Misan taħbat mal-lasta. Sitt minuti minn tmiem il-logħba s-sostitut JAN BUSUTTIL kompla jnaqqas l-iskor għal Pieta.
