Kien hemm paniku fit-toroq ta’ Maċerata fl-Italja wara li minn karozza li bdiet iddur il-belt, infetaħ in-nar fuq in-nies. Tant li s-sindku tal-belt għamel appell li sakemm tkun iċċarata s-sitwazzjoni, in-nies jibqgħu ġewwa.
B’kollox kien konfermat il-feriment ta’ sitt persuni, u jidher li fil-mira ewlenija kien hemm il-komunita` tal-immigranti tal-belt.
Il-persuna arrestata kienet identifikata bħala Luca Traini ta’ 28 sena.
Jidher li fil-każ hemm rabta mal-qtil makabru li xxokkja lill-Italja f’dawn l-aħħar ġranet. Il-qtil ta’ Pamela Mastropietro, tfajla Taljana li sfat imqatta’ biċċiet, u li l-bċejjeċ tal-katavru tagħha nstabu f’żewġ bagalji f’Maċerata. B’rabta mal-qtil, kien arrestat raġel Niġerjan li kien identifikat bħala Innocent Oseghale.
#Macerata È italiano il presunto autore della sparatoria fermato dalle Forze dell'Ordine. Uno dei feriti è stato sottoposto ad intervento chirurgico pic.twitter.com/xx2AcZwI2w
— Polizia di Stato (@poliziadistato) February 3, 2018
