Rapport: Keane Cutajar
SENGLEA A………………2
TARXIEN R………………2
Senglea: M. Farrugia, R. Vella, J. Bondin, S. Uyi, I. Azzopardi, M. Garzia, G. Virano, I. Paz, T. Vella, N. Palmieri, B. Gregori (R. Caseres 65’)
Tarxien: A. Cassar, E. Baker, A. Scicluna, L. Grech, S. Radovanovic, G. Aquilina, S. Cipriott, J. Brincat (G. McKay 70’), E. Calin, S. Tounkara, W. De Oliveira Viera (M. Brincat 63’)
Imwissija: I. Azzopardi 25’, M. Garzia 40’, S. Uyi 44’ (S) S. Radavanovic 70’ (T)
Tkeċċa: S. Cipriott 11’ (T)
Skorjaw: M. Garzia 3’, T. Vella 50’ (S) W. De Oliveira Viera 32’, E. Calin 82’ (T)
Referee: Matthew Degabriele
Assistenti Referees: Alan Camilleri, Sammy Attard
Il-Mument Plejer tal-Logħba: Eduard Calin (Tarxien Rainbows)
F’logħba diretta bejn żewġ timijiet li qegħdin lejn in-naħa ta’ isfel tal-klassifika, Tarxien ħarġu l-iktar kuntenti bir-riżultat hekk kif lagħbu b’għaxar plejers għal madwar 80 minuta. Partita li offriet bosta azzjonijiet, b’futbol veloċi mgħejjun mix-xita li ma waqfitx matul il-kors tal-partita.
Meta kienu għaddew biss tliet minuti, Senglea fetħu l-iskor permezz ta’ Matias GARZIA li iltaqa’ ma’ korner u xeħet wara Andrea Cassar. Fil-ħdax-il minuta Tarxien spiċċaw jilagħbu b’għaxra meta Matthew Degabriele wera l-karta l-ħamra lil Sean Cipriott fuq ‘violent conduct’.
Tarxien resqu viċin id-draw fis-26 minuta meta l-free-kick ta’ Eduard Calin għadda kemm kemm barra. Appena għaddew 32 minuta, Matthew Farrugia dawwar f’korner xutt ta’ James Brincat, biex minuta biss wara l-pressjoni ta’ Tarxien sarrfet f’gowl. Kien Wellington DE OLIVEIRA VIERA li tefa’ fix-xibka wara cross ta’ Calin mill-faxxa leminija.
Fil-41 minuta, Gregori ttanta xortih wara li għamel spazzju għalih innifsu minn bejn id-difensuri ta’ Tarxien iżda Andrea Cassar imblokka tajjeb b’saqajh. Matthew Farrugia żamm l-iskor fi draw meta wettaq ssave tajjeb fuq il-free-kick ta’ Calin li deher destinat fir-rokna.
Senglea fetħu t-tieni taqsima b’gowl meta’ Terence VELLA iltaqa’ mal-ballun ta’ Gregori wara ġirja veloċi mal-linja xellugija ta’ dan tal-aħħar fejn irnexxielu jegħleb lid-difensur fuq il-ġirja. Nicola Palmieri seta’ għamel aħjar bid-daqqa ta’ ras tiegħu wara korner ta’ Ivan Paz fis-67 minuta.
Tarxien komplew ifittxu t-tieni gowl u fit-78 minuta Andre Scicluna kien imċaħħad minn Farrugia li salvalu d-daqqa ta’ ras tiegħu minn qrib il-kaxxa ż-żgħira.
U fit-82 minuta wasal il-gowl. Il-Mument Plejer tal-partita, Eduard CALIN skorja bi ġmiel ta’ gowl minn barra l-kaxxa li ma ta l-ebda ċans lil Farrugia hekk kif spara fir-rokna. Ħames minuti wara Rene Caseres kien żvinturat meta ra l-ballun tiegħu jistampa mal-lasta.
