Il-Kanzunetta Taboo ta’ Christabelle hi l-kanzunetta rebbieħa tal-Malta Eurovision Song Contest.
Christabelle li kantat fit-tlettax-il post kisbet il-voti kollha tal-ġurija, u kif ukoll il-voti popolari jiġifieri t-televoting. Il-kanzunetta Taboo kellha messaġġ partikolari ħafna biex titkisser it-taboo marbuta mal-mard mentali.
Fit-tieni post spiċċat il-kanzunetta Song for Dad ta’ Richard u Joe Micallef.
Il-kanzunetta rebbieħa, Taboo issa se tirrappreżenta lil Malta fil-63 edizzjoni tal-Eurovision Song Contest fil-kapitali Portugiża Lisbona.
