Lokali

STRAJK TAT-TOBBA: Kif se jaffettwak?

5 ta' Frar 2018
L-Isptar Mater Dei - Mill-Arkivji
Ara l-lista tad-direttivi għal għada

Hekk kif fallew id-diskussjonijiet bejn il-Gvern u l-Assoċjazzjoni Medika Maltija, għada t-tobba se josservaw numru ta’ direttivi li fost l-oħrajn jinkludu wkoll strajk.

Din hi l-lista sħiħa ta’ direttivi li se jaffettwaw kemm l-isptarijiet lokali kif ukoll iċ-ċentri tas-saħħa:

  • It-tobba fid-Dipartiment tal-Outpatients tal-Isptar Mater Dei u fi kliniċi oħra pubbliċi li joffru servizz ta’ outpatients madwar Malta u Għawdex se josservaw strajk bejn it-8:00 u l-16:00;
  • Tobba li jaħdmu fis-swali tal-isptar Mater Dei se jaħdmu fuq direttiva ta’ work-to-rule, jiġifieri jagħmlu biss ix-xogħol bażiku skont il-kuntratt tagħhom;
  • Tobba li jagħmluxogħol amministrattiv mhux se jwieġbu telefonati jew emails;
  • L-appuntamenti kollha fiċ-ċentri tas-saħħa, minbarra f’dawk ta’ Raħal Ġdid, il-Floriana, il-Mosta u r-Rabat Għawdex, se jiġu posposti għal data oħra;
  • Preskrizzjonijiet ta’ rutina li jsiru fiċ-ċentri tas-saħħa kollha, minbarra f’dawk ta’ Raħal Ġdid, il-Floriana, il-Mosta u r-Rabat Għawdex, se jiġu posposti għal data oħra; b’mod regolari se jkunu posposti għal data oħra;
  • Mhux se jkun hemm tobba fiċ-ċentri tas-saħħa distrettwali, kif ukoll f’dawk tal-Gżira, ir-Rabat, Birkirkara, Ħal Qormi u Bormla;
  • Ċentri tas-saħħa li joffru servizz ta’ eżaminazzjoni fid-djar privati se jaħdmu biss b’tabib wieħed li se jsegwi protokoll ta’ liem każ għandu jiġi segwit;
  • Wara s-14:30 mhux se jinħarġu ċertifikati mediċi għal pazjenti li jkunu rilaxxati mill-isptar;
  • Mhux se joħorġu lanqas karti ta’ rilaxx mill-isptar, preskrizzjonijiet jew karti oħra mid-discharge lounge tal-isptar wara s-14:30;
  • L-istess dokumenti se jimtlew biss minn tobba fi grad ta’ fondazzjoni (foundation doctors) jekk il-pazjenti jkunu f’sala normali;
  • Wara s-14:30. se jimtlew biss preskrizzjonijiet għal suppliment ta’ mediċina ta’ tlett ijiem;
  • Mis-14:30 sat-8:30 it-tobba fi grad ta’ fondazzjoni (foundation doctors) se jaħdmu biss fuq każi urġenti ta’ natura klinika u jillimitaw ix-xogħol fuq dokumenti.

Iċ-ċentri tas-saħħa ta’ Raħal Ġdid, il-Floriana, il-Mosta u r-Rabat Għawdex se jkunu qed joffru biss servizzi t’emerġenza. Il-bereġ l-oħra se jkunu magħluqa.

Dan filwaqt li d-direttivi mhux se jaffettwaw l-Isptar tal-Onkoloġija Sir Anthony Mamo kif ukoll il-kliniċi tal-maternità, kif ukoll swali tal-isptar fejn hemm pazjenti b’kundizzjonijiet akuti u d-Dipartiment tal-Emerġenza.