Rachel sodisfatta wara l-operazzjoni li għamlet illum fil-Belġju
Fi kliem Rachel Cuschieri, l-operazzjoni li għamlet dalgħodu f’sieqha marret tajjeb. “Mil-lum se nibda bil-proċess li nirkupra”.
Il-plejer internazzjonali Rachel Cuschieri se titlef il-kumplament tal-istaġun wara li weġġgħet fit-taħriġ ma’ Anderlecht. Hi weġġgħet il-qasba ta’ sieqha u se tkun barra għall-kumplament tal-istaġun.
Fuq Facebook, Cuschieri kitbet illi dan hu mument ta’ dwejjaq għall-familja tagħha u l-plejers sħabha.
Hi rringrazzjat lil kulħadd tal-appoġġ li qed tirċievi f’dan il-mument delikat.
“Se nirritorna f’saħħti aktar minn qatt qabel”, qalet Cuschieri fuq Facebook.
