Doreen Pulis marret l-Awstralja għal tieġ; kienet ilha sena tippjana
Żgur illi ħadd fil-familja Pulis ma kien qed jistenna li vjaġġ għal tieġ jispiċċa fi traġedja. Doreen Pulis kienet ilha sena tippjana din il-vaganza. Kienet kuntenta ħafna li se tmur għat-tieġ tat-tifel ta’ ħuha. Iżda dawn il-pjanijiet kollha sfumaw fix-xejn.
Il-vaganza ta’ Doreen u Lorry Pulis inbidlet f’aħbar ta’ swied il-qalb għall-qraba u l-ħbieb tagħhom.
Il-koppja hi minn Birżebbuġa, u għandhom 58 sena. Huma kienu ilhom biss ftit jiem fl-Awstralja.
Fl-istess ħabta miet ukoll ħu Lorry Pulis.
