Reagan Ugat Tion, raġel ta’ 43 sena li kien jaħdem bħala care worker kien ikkundannat seba’ xhur ħabs wara li ammeta għal attentat vjolenti fuq il-pudur ta’ anzjana ta’ 77 sena li kien qed jieħu ħsieb.
Il-Filippin li suppost kien jieħu ħsieb l-anzjana, inqabad permezz ta’ filmat ta’ CCTV iwettaq abbuż fuq l-anzjana f’darha f’Ħaż-Żebbuġ. Għall-ewwel huwa m’ammettiex l-akkużi, iżda wara xi żmien reġa’ darlu u ammetta.
Il-Qorti, ippreseduta mill-Maġistrat Aaron Bugeja, semgħet kif l-anzjana sabet lil carer permezz ta’ aġenzija. Il-qorti semgħet ukoll kif il-carer kien ilu biss siegħa li ltaqa’ mal-anzjana meta wettaq l-att.
Il-Prosekuzzjoni tmexxiet mill-Ispettur Kylie Borg.
