Matul il-lejl li għadda, anzjan ta’ 81 sena residenti fid-dar tal-anzjani tal-Mosta pprova jweġġa’ lilu nnifsu bir-riżultat li sofra minn ġrieħi f’żaqqu. Qal dan fi stqarrija d-Dipartiment għall-Anzjanità Attiva u Kura fil-Komunità.
L-istaff tad-dar tal-anzjani taw l-ewwel għajnuna lir-raġel sakemm ittieħed l-Isptar Mater Dei fejn bħalissa jinsab rikoverat għall-kura u għall-osservazzjoni meħtieġa.
L-aħħar informazzjoni tindika li l-anzjan jinsab f’qagħda stabbli.
