Steve Wozniak, “The Woz”, li ħoloq flimkien ma’ Steve Jobs, il-kumpanija rinomata Apple, mistenni jżur lil Malta matul ix-xahar id-dieħel.
Wozniak ser jindirizza seminar organizzat mill-Gaming Innovation Group f’okkażżjoni tal-5 snin anniversarju mit-twaqqif tal-kumpanija.
Fost il-mistiedna ser ikun hemm ukoll studenti Universitarji kif ukoll mill-MCAST.
Il-Kap Eżekuttiv tal-Kumpanija GIG, Robin Reed, saħaq li ma setgħux jaħsbu f’xi ħadd aħjar mill-“Woz”, pijunier tat-teknoloġija moderna, sabiex jispira lill-impjegati tal-kumpanija flimkine ma’ 400 persuna oħra.
Steve Wozniak kien telaq lill-Apple lura fl-1985 sabiex ħoloq l-ewwel ‘remote-control’ universali kif ukoll l-ewwel GPS Wireless.
Is-seminar mistenni jkun organizzat fis-6 u s-7 ta’ Marzu.
