Fl-aħħar jiem, li kienu kkaratteriżżati minn maltemp qawwi, instabu żewġt ifkieren mejta fil-Mellieħa.
Dan ħabbruh fuq il-midja soċjali Nature Trust Malta hekk kif saħqu li sfortunatament l-ifkieren tilfu ħajjithom kawża tal-irwiefen qawwija li ħakkmu l-kosta Maltija.
Waħda instabet fil-Bajja tar-Ramla fil-Mellieħa t-Tlieta 13 ta’ Frar filwaqt li l-oħra instabet l-Ġimgħa 16 ta Frar fl-Għadira.
It-tnejn li huma kienu jinsabu fi stat avvanzat ta’ dekompożizzjoni.
