Ara r-ritratti tal-iskart li nstab, flimkien ma' għadam ta' żiemel
Waqt attivita’ ta’ tindif, minbarra numru kbir ta’ skart li nstab mitluq, instabu wkoll għadam ta’ żiemel mormija.
Fil-grupp fuq Facebook ta’ Malta Clean Up, intefgħu ritratti li juru l-ħmieġ li nstab f’Wied Qirda f’Ħaż-Żebbuġ. Jidher li flimkien ma’ dan l-għadam ta’ żiemel instabet ukoll borża tal-plastik, li kienet tintuża għad-demm jew mediċina.
Numru ta’ persuni fuq il-media soċjali qalu, li minbarra skart kien hemm diversi rwejjaħ jintnu li jqajmu suspett ta’ x’seta’ kien hemm aktar mormi f’dan il-Wied.
