Żagħżugħ ħelisha ħafif wara li s-Sibt filgħaxija ntlaqat minn karozza tal-linja waqt li kien għaddej bil-mutur tiegħu fi Triq Ross, f’San Ġiljan.
Jirriżulta li kemm is-sewwieq tal-mutur kif ukoll il-karozza tal-linja kienu qed iduru mar-roundabout fiż-żona, meta seħħ impatt bejniethom, bil-mutur jispiċċa taħt il-karozza tal-linja.
Fortunatament għas-sewwieq tal-mutur, hu sofra biss ġrieħi ħfief minħabba li spiċċa jitkaxkar mal-art.
