Il-katavru ittella' mill-baħar mill-membri tal-Protezzjoni Ċivili
Raġel ta’ 69 sena mill-Iżvizzera mieta meta għall-ħabta tat-3p.m. waqa’ minn għoli f’Wied il-Mielaħ fl-Għarb Għawdex.
Jirriżulta li r-raġel kien qrib it-tieqa ta’ Wied il-Mielaħ, meta għal xi raġuni waqa’ minn għoli u ġie fil-baħar.
Fuq il-post issejħu membri tal-Protezzjoni Ċivili li assistew sabiex ir-raġel jittella’ mill-baħar.
Aktar tard huwa ġie ċċertifikat mejjet fuq il-post.
Il-Pulizija involuti fl-ivestigazzjonijiet qed jippruvaw jistabbilixxu x’wassal biex ir-raġel jaqa’ mill-għoli.
Bil-każ ġie nfurmat il-Maġistrat tal-Għassa Joanne Vella Cuschieri li ħatret diversi esperti sabiex jassistuha fl-inkjesta li ġiet appuntata.
