Irma kisbet ammirazzjoni kbira minn eluf fuq Facebook
Din il-mara tar-ritratt jisimha Irma. Hi nanna ta’ 93 sena. Din il-ġimgħa telqet għal vjaġġ fil-Kenja; mhux vaganza, imma biex tgħin lit-tfal foqra ta’ dan il-pajjiż fl-Afrika.
L-istorja ta’ Irma splodiet fuq il-media soċjali grazzi għan-neputija tagħha Elisa li kitbet messaġġ mill-isbaħ fuq Facebook.
Fl-Italja, Irma qed tiġi deskritta bħala simbolu tal-altruwiżmu. Fil-Kenja hu se tkun qed taħdem l-aktar mat-tfal orfin.
