Ta' 21 sena, dan iż-żagħżugħ Malti se jagħmel triqtu lejn Miami fl-Istati Uniti
Żagħżugħ Malti se jmur Miami biex jieħu sehem fil-musical We Will Rock You fuq vapur tal-passiġġiera magħruf.
Peter Camilleri, li għad għandu 21 sena, intgħażel mill-aġenzija PMA London biex ikun parti minn dan il-musical, u għada mistenni li jagħmel triqtu lejn l-Istati Uniti biex ikun protaginsta fuq il-vapur Anthem of the Seas ta’ Royal Caribbean.
Il-musical We Will Rock You hu wieħed mill-aktar musicals popolari madwar id-dinja, li fih jinkludi numru ta’ kanzunetti mill-grupp popolari Queen – b’suċċessi mondjali bħal Bohemian Rhapsody, We Are The Champions, Under Pressure, u kif iġib l-isem tal-musical stess We Will Rock You.
