QORMI ……………… 0
PIETA H. …………… 0
Qormi: J. Azzopardi, B. Grech (M. Camilleri 57’), L. Busuttil (I. Zammit 83’), Y. Yankam, C. Matombo, L. Adamec, A. Abela, A. Cassar, D. Vukovic, C. Vella, J. Salaroli (J. Caetano Da Silva 70’)
Pietà: M. Montfort, L. Chiedozie, C. Degabriele, A. Mizzi, J. Ishaya Irimiya, G. Mensah, D. Agius, N. Pace Cocks, C. Grech, J. Busuttil (N. Pisani 89’), Q. Bregman.
Referee: Malcolm Spiteri
Qormi żammew il-vantaġġ li kellhom fil-klassifika fuq Pietà meta l-konfront dirett ta’ bejniethom spiċċa mingħajr gowls. Kien l-iktar riżultat ġust f’logħba ferm bilanċata u tattika li iżda ma tantx offriet okkażjonijiet ta’ skor. Minkejja dan, il-logħba ma kinitx medjokri, anzi kien hemm impenn miż-żewġ naħat, biż-żewġ difiżi jkunu għal kollox superjuri fuq l-attakkanti rispettivi.
Wara 30 sekonda Pietà viċin il-vantaġġ b’azzjoni ta’ Gabriel Mensah u xutt ftit għoli. Fil-11-il minuta risposta ta’ Qormi b’azzjoni ta’ Alessio Cassar u daqqa ta’ ras ta’ Chris Vella bil-ballun ftit barra.
Fit-22 minuta xutt ta’ Pace Cocks kien salvat minn Azzopardi. Fil-35 minuta żewġ azzjonijiet perikolużi ta’ Pietà b’żewġ daqqiet ta’ ras mill-viċin salvati b’mod brillanti minn Jamie Azzopardi. Id-daqqiet ta’ ras kienu tad-difensuri Christian Degabriele u Christian Grech.
Eżatt qabel intemmet it-taqsima Qormi viċin il-gowl tal-vantaġġ b’xutt mill-viċin ta’ Chris Vella salvat minn Montfort u mir-rebound ix-xutt ta’ Luke Busuttil kien imblukkat mid-difiża ta’ Pieta, bil-Qriema jappellaw għal penalty fejn forsi l-ballun ħabat ma’ id plejer ta’ Pieta.
It-tieni taqsima b’azzjoni ta’ Qormi bejn Vukovic u Vella bix-xutt ta’ dan ta’ l-aħħar imur għoli minn qagħda tajba. Fil-kumplament tat-taqsima, l-logħba baqgħet bilanċjata iżda l-azzjonijiet perikolużi kienu ftit u kien biss fl-aħħar minuti li rajna azzjonijiet perikolużi.
Fit-80 minuta free-kick ta’ Adames kien imdawwar għal korner minn Montfort u minuta wara xutt ta’ Pace Cocks kien imxellef bil-ballun jinżel fuq is-saqaf tax-xibka.
