Eluf ta’ pulizija fl-Italja qed isegwu dimostrazzjonijiet li bdew ftit tal-ħin ilu minn gruppi estremisti tal-lemin u oħrajn anti-faxxisti.
Il-pulizija jinsabu stazzjonati fl-aktar zoni sensittivi ta’ Ruma, Milan u Palermo, fejn il-protesti kapaċi jattiraw ‘il fuq minn 20,000 dimostrant. Fil-fatt, madwar 3,000 pulizija kienu mobilizzati f’Ruma biex jikkontrollaw il-folol waqt diversi dimostrazzjonijiet u marċi ta’ protesta.
Il-konfronti vjolenti fl-Italja bejn l-antifaxxisti u l-attivisti estremisti tal-lemin żdiedu f’dawn il-ġimgħat meta l-Italja qed tħejji għall-elezzjoni ġenerali tax-xahar id-dieħel.
