"Hemm bżonn naraw xi tgħid ir-riċerka internazzjonali"
L-Assoċjazzjoni tal-Public Health Medicine (MAPHM) qed tagħmel appell qawwi sabiex fuq temi partikolari ssir diskussjoni u konsultazzjoni pubblika li tmur lil hinn mill-Parlament. Dan intqal mill-Assoċjazzjoni fi stqarrija maħruġa dalgħodu.
Wara Laqgħa Ġenerali tal-MAPHM intlaħaq qbil bejn il-membri sabiex l-assoċjazzjoni timbotta ‘l quddiem il-bżonn ta’ konsultazzjoni, kemm fejn tidħol il-kwistjoni ta’ sex work u anke dwar il-kannabis.
“Għandu jkun hemm konsultazzjoni matura, miftuħa u bla għaġla, ‘il barra mill-konfini tal-Parlament”, qalet l-istqarrija.
