Ġermaniża ta’ 28 sena ġiet salvata mill-għarqa wara li sabet ruħha f’diffikultà waqt li kienet qed tgħum fil-Bajja tax-Xwejni, f’Marsalforn, Għawdex. Il-każ seħħ għall-ħabta tas-14:15.
Fil-post, minbarra l-Pulizija wasal ukoll tim mediku li ħa lill-mara lejn l-Isptar Ġenerali t’Għawdex permezz ta’ ambulanza. Hawn instab li l-mara qed issofri minn kundizzjoni kritika.
Dwar dan il-każ infetħet inkjesta maġisterjali mill-Maġistrat Joanne Vella Cuschieri u għaddejjin l-investigazzjonijiet tal-Pulizija.
