RITRATTI: Żvelata missila ‘invinċibbli’ Russa

Ir-Russja għadha kemm żviluppat missila ġdida tat-tip cruise li għandha titqies bħala ‘arma invinċibbli’. Dan qalu li l-President Russu, Vladimir Putin, waqt li kien qed jelenka aspetti ta’ politika ewlenin għar-raba’ mandat Presidenz-jali.

Il-President Putin mistenni jirbaħ ‘mingħajr diffikultà’ l-elezzjoni għall-Presidenza tar-Russja li ssir fi żmien 16 il-jum. Il-Mexxej Russu, waqt dis-kors liż-żewġt ikmamar tal-Parlament, iddettalja varjetà ta’ armi ġodda li kienu jinkludu ‘missila li kapaċi tilħaq kull rokna tad-dinja’. Filwaqt li bbaża kliemu fuq preżentaz-zjoni bil-filmati, Putin sostna li l-allegata missila invinċibbli ‘ma tistax titwaqqaf mis-sistema tad-difiża (shield) tal-Ame-rikani fl-Ewropa u fl-Asja’.

Vladimir Putin, intant, enfasizza żewġ armamenti li kapaċi jġorru t-tagħmir nukleari u li huma l-missila cruise u inġenju għal taħt il-baħar (u mingħajr pilota) li jista’ ikun attivat minn sottomarin. Huwa kompla li l-warhead tal-missila kapaċi ‘tiżgiċċa lis-sistemi li suppost jinterċettawha. Ukoll, hi invinċibbli fid-dawl tas-sistemi eżistenti u fu-turi għal difiża kontra l- attakki mill-ajru’. Putin inkoraġġixxa lir-Russi biex jissuġġerixxu ismijiet għaż-żewġ armi l-ġodda li ka-paċi jġorru tagħmir nukleari. Hu insista li r-Russja, ‘sa fl-aħħar għamlet reazzjoni’ wara li ilha s-snin titlob lill-Istati Uniti biex ma tinqatax mit-trattati għal kontra l-missili.