Sewwieq ta’ mutur li għandu 20 sena ttieħed l-isptar għall-kura wara li ttajjar fi Vjal l-Indipendenza, fil-Mosta.
L-inċident seħħ għall-ħabta tat-15:30 meta ż-żagħżugħ, residenti s-Swieqi u li kien qed isuq mutur tat-tip Lexmoto, intlaqat minn vettura Peugeot 106 ta’ lewn id-deheb misjura minn żagħżugħ Rumen residenti l-Imsida.
Il-kundizzjoni tas-sewwieq tal-mutur għad mhix magħrufa hekk kif hu ttieħed l-isptar b’ambulanza. It-triq għal xi ħin kienet magħluqa għat-traffiku.
