Tħabbret il-mewt ta’ Gaetano Abela, li serva għal xi snin bħala Chairman tal-Festival għall-Kanzunetta Maltija.
Hu miet ilbieraħ fl-età ta’ 78 sena wara li fl-aħħar żmien bata minn marda kiefra.
Hu kkordina diversi festivals mużikali lokali għal diversi snin mill-1971, partikolarment meta Malta pparteċipat għall-ewwel darba fil-Eurovision Song Festival. Reġa’ serva bħala Chairman fil-bord tal-Malta Song for Europe fl-aħħar tas-snin 90.
Gaetano Abela, li kien negozjant, organizza wkoll il-festival għat-tfal Kanarin tad-Deheb, bir-rebbieħa kienu jipparteċipaw fil-festival Taljan Zecchino d’Oro.
